Опис

• Автор: Васил Шемкоски
• Издавачка куќа: ТРИ
• ИСБН: 978-608-230-574-5
• Година на издавање: 2018
• Број на страни: 100
• Димензии: 20/20
• Корица: мека
• Јазик: македонски

Скопје ја доби својата прва боенка. За возрасни.

Со доза сатира, па и гротеска, ова е боенка што вртоглаво ќе ви го смени „градогледот“ ‒ од нејзините страници ѕурат лицата на некои од најпрепознатливите зданија и симболи на нашето старо-ново Скопје.

Но има тука и доза носталгија. За градот убав. За неотсонуваниот сон на Кензо Танге, таткото на постземјотресно Скопје. За заборавениот Пикасо во МСУ. За Чаршијата и Камениот мост. За Старата железничка, за ГТЦ. И апел за чист воздух. За она што Скопје некогаш беше, она што е, она што можеше да биде.

Ова е еден урбан омаж за Скопје, во еден неочекуван медиум, што на секоја нова страница изненадува со својата визија и порака. Извадете ги боичките и дајте му свои бои на Скопје 091 на Васил Шемкоски.